OAP Tosyn Bucknor don die!

On Air Radio Personality Tosyn Bucknor don die.

Tosyn who dey handle the morning show for Top Radio for Lagos die yesterday night

Her husband of three years a German,  Aurelien Boyer na im find Tosyn dead body when im come back from work.


Tosyn na Sickle Cell (SS) before she die.

Her death pain Aunty Juli well well as I be her biggest fan.  May she find Rest.

PHCN Wire Don Kill Church Woman

PHCN wire don kill one Veronica Oboh wey dey waka go church jeje.

Wetin Anty Juli fit gather be say high tension wire fall on top Madam Oboh for Ijaiye area of Agege Local Government, Lagos State.



The late Madam Oboh dey on her way to attend church service before she step on the exposed wire. Her body enter electric shock and na from dia she pass go yonder.

The family and eyewitnesses don dey cast blame on top Ikeja Electric head, say na dem kill Madam Oboh

According to dem,  Madam Oboh for no die if PHCN do dia work well.


Hear wetin one Femi Afolabi, eye witness for the matter talk:
“When the wire fell off the pole around 9pm, people who usually sell around there ran for safety. I was on my way into Ijaiye Estate around 5:30pm the next day when I saw that people were gathered at the junction of the estate.

“When I moved closer to see what had happened, I saw that a woman, who had been electrocuted by the wire that fell, was lying on the floor; she  reportedly stepped on the wire because she could not see properly as there was a power outage. I saw a torchlight beside her body but I wasn’t too sure of her identity.


“So, when officers from the Pen Cinema Police Station took away her remains, I had to visit the station to confirm and it was through an identification card that I knew that Oboh was the person that was electrocuted. I was the one who gave the police her elder brother’s number; but the most painful aspect was that despite the fact that Ikeja Electric was aware of the incident, it was on the third day that its officials came to fix the fallen wire,” na so the eyewitness talk.

On top say their wire kill person, Ikeja Electric Company no come fix the wire until three days after!

Na real wa for them.

3 Men Wey Use Aisha Buhari Name Scam Oyibo of N20.5m Don Dey Rest For Prison

Police for Lagos don catch three men wey waka go Facebook go lie for  Oyibo people say their name na Aisha Buhari our President, Mohammadu Buhari wife.

Police drag the three men go Federal High Court for Lagos to go talk how the matter be.

The men: Uche Anyanwu Julius, alias Musa Mohammed; Kenneth Chikwado Ezeomu, alias Abdul Karim; and Agu Ifeanyi George, alias Dr Lina Norman, use Mrs. Buhari name go collect about $20, 500,000, around N7.4bn from Oyibo people for the abroad.


The police talk say the men forge Aisha Buhari name for letter come send am to Engineer Gmemnzes, say make im give them $20 5m.

Justice Babs Kuewumi the Judge wey siddon on top the matter send them fiam,  go prison.

Too Much Water Fit Kill You!!!

Oyibo people don come again o.

Sebi na dem talk say water good for body.

Now dem don change mouth say too much water for body dey intoxicate like palm wine

Read wetin Liz Weinandy, a registered dietitian at the Ohio State University Wexner Medical Centre talk:

"When it comes to drinking water, the kidney can handle 800-1,000 mL an hour


"Healthy adult requires 3-4 litres of water a day which could also come from food


"Other people - depending on age and gender - may need more or less water
"Drinking a lot of water helps you pee more and flush out excess waste and water.

"This is dangerous because it causes sodium levels to become dangerously low.

"Problems caused by dehydration are widely known, but experts have cautioned that over-hydration can also lead to serious health impacts and even death.

"The average adult requires between 3-4 litres of water a day but kidneys can only process a litre of water an hour. With nowhere else to go, the liquid is stored inside the body's cells, causing them to swell.

"This process, known as water intoxication, drags down sodium levels in the blood, making it harder for the body to regulate blood pressure

No be Anty Juli talk am o.

See Wetin Ritualists Do This Fine Girl

One Elozino Ogege wey bin lost for four days don die.

According to reports wey Anty Juli get,  dem find Elozino a 300 level student of Mass Communication for Delta State University dead body for along Ekrejeta road for Abraka.


When dem find Elozino dead body her tongue and breasts no dey, as some evil people don cut am commot.

 Dem say Elozino na first class student.

Delta State Acting Police Public Relations Officer, DSP Andrew Aniamaka, who confirm the sad matter say Elozino family no get themselves again, as their tears and sadness dey flow like water.

 Chai..... May her soul find peace.

N1. 2bn theif theif: Fayose trial don start

Nigeria money police,  the Economic and Financial Crimes Commission don begin trial of forner Ekiti State Governor,  Ayodele Fayose.

EFCC talk say Fayose theif N1. 2 billion take do him election campaign, buy house for Abuja.

Fayose and him company Spotless Investment Limited na im EFCC drag come court.

Wetin happen for court today be say,  EFCC call four witnesses make dem come testify against Fayose

Read wetin one of the witnesses Mr Lawrence Akande, Oga banker for Zenith Bank talk:

 " One Abiodun Agbele called me. Afterwards i received a call from Fayose.


Prosecutor:  Tell the court if the People’s Democratic Party (PDP) maintained an account with your bank,”

Witness: Not only PDP, but so many other political parties.

The witness come talk say Senator Musiliu Obanikoro also join the money parole.

Akande talk say na with aeroplane dem take move the N1 2bn go Akure.

Akande come talk plenty say dem transfer the money enter Spotless Nig. Ltd, De Privateer Ltd as well as personal account of Fayose while the remaining  cash them carry go  Ado-Ekiti.


When Judge wey siddon on top the matter hear the plenty talk,  she postpone the matter go January 21, 2019 for Fayose matter to continue.

OAU lecturer wey say he no go pass student until he knack am apako, don land for prison

Una remember the lecturer for Obafemi Awolowo University, Prof Richard Iyiola Akindele, wey one of him former student Monica Osagie open him yansh, after he threaten say he no go pass am for school if him no knack apako?

The latest gist be say one Federal High Court for Osogbo don remand Akindele for prison.


The Judge,  Justice Maureen Onyetenu for Osogbo send Akindele fiam go prison after Independent Corrupt Practises and other Related Offences Commission (ICPC) on Monday tell the Judge wetin he do.


ICPC tell the judge say Akindele say him no go pass Monica for class if she no let am knack am Apako.

Make una read the charges against Akindele :
 “That on 16th day of September, 2017 or thereabout, you corruptly asked for sexual benefits for yourself from one Monica Osagie for a favour that would be thereafter shown to her by upgrading her academic record from fail to pass, thereby committing an offence contrary to and punishable under Section 8 (1)a and 2 of the Corrupt Practices and Other Related Offences Commission Act 2000.


“That you solicited sexual benefits from the victim on 16th of September, 2017 or thereabout for a favour to be given to you, the act contrary to and punishable under Section 18 (b) of the ICPC Act.

“That you deliberately concealed evidence, with the intent to remove parts of the conversation between you and the victim, contrary to Section 15 (1) and (2) of the ICPC Act.


“That you falsified your age by saying, under interrogation, that you were born on April 19, 1961, while in your personal file retrieved from OAU, you claimed you were born on April 19, 1959, an act contrary to and punishable under Section 25 of ICPC Acts, 2000.”

When Akindele hear the charges,  he come talk say he no do am.


The court no grant am. bail.

The Judge don postpone Akindele matter till November 26

Oga Akindele dey prison as we dey talk.

Police don lock down Uyo House of Assembly

News wey reach us from Uyo, Akwa Ibom State be say police don lock the House of Assembly along Udo Udoma Avenue, for Uyo.

Police people talk say one member wey represent the Itu state constituency, Hon.  Idongesit Ituen, carry area boys gum body come scatter the house,  as he don hear say dem wan declare him seat vacant after he commot for People's Democratic Party go join  All Progressives Congress (APC).

Read how the whole katakata take start:

Justice Fatun Riman of the Federal High Court in Uyo,  which he took the case to had ruled against Hon. Ituen, and copy sent to the House at last week and the Speaker Onofiok Luke, was set to implement the ruling today (Monday ), forcing the Itu lawmaker to move towards stalling the action while waiting for the outcome of his appeal at the Appeal Court sitting in Calabar, Cross River state.

PDP don pick Senator Kashamu as Ogun State Governor candidate

Senator Buruji Kashamu na the person wey go carry Peoples Democratic Party (PDP)  flag for Governor for Ogun State.

PDP choose Kashamu after one  Mr Adeleke Shittu commot for the race say he no do again

No be say dem fight o,  na Shittu and dem PDP leaders siddon come reason say if dem put Kashamu,  e go dey better for PDP as dem go get upper hand for Ogun State gubernatorial elections for 2019.

Kashamu’s  media   aide, Mr. Austin Oniyokor,   talk say na the leaders of the party na dem beg Kashamu make him come replace Shittu.


Na former presidential spokesman Reuben Abati go come be Kashamu deputy.


Hear wetin Onyiokor talk:



“I can confirm to you that Mr Shittu  last week Friday signed the withdrawal  letter and at the Senate he has informed INEC of his withdrawal from the race.”

Anty Juli de hia dey watch una.

Runtown Turn Lion Pikin To Pet!

Nigerian singer Runtown don talk say upon all the pet wey dey market,  na Lion him like pass 

Na so Runtown go market come buy small lion pikin turn am to pet

The singer share the picture of him and the lion pikin for Instagram.

Oga Runtown my hand no dey o!

Why i still dey my husband house-Titi Atiku

Mrs Titi Atiku wife to Abubakar Atiku, the man wey carry PDP flag for president don tell us the reason why she still dey her husband house even after 47 years.

Mrs Atiku talk say she no marry her husband because of money. She say she marry am because Oga Atiku na person wey get integrity.

See wetin she talk:
“I get confused whenever I read the false allegations of corruption being peddled by mischief makers against my husband in the media.



“I ask myself if they are referring to my husband whom I have been married to for 47 years or a different person.

“No one knows my husband like I do and their descriptions of him are totally those of a different person and not those of the man I love and adore because of his uprightness,” Mrs. Atiku talk.

Titi Atiku come even say na destiny na im gum the two of them together.

“I was on my way back to Nigeria from Benin Republic where I visited my aunt and was accosted by custom officials at the Idi-Iroko border who demanded the payment of a duty for the pair of brocade materials which were gifts from my aunt.

“An argument ensued between us and I told them to keep the material because I would not pay duty for a pair of brocade, and a gift at that.


“The officer, who was Head of the Command at that time intervened, paid for the duty charge and gave me the receipt.

“One thing led to the other, we hooked up later and the rest is now history.



“As the head, he could have chosen to order that I be allowed to go, but he paid for the duty and that act, from that time, impressed me and I fell deeply in love with the man Atiku,’’ she talk.

This dia love don tey oh.

Make Una See Davido N108m Watch

Make una see wetin Davido carry put for hand.  This pikin wey go soon turn 26 years wear one $300k Richard Mille watch come carry im hand go Instagram come dey do yanga.
If person wan buy that kain watch for Nigeria e go cost N108 million!!!

APC truck wey carry broom fall YAKATA for express

As una sabi,  the time for election campaign don reach again o.  As all of una sabi say APC logo na broom.  Na so one truck wey carry broom full body fall down yakata for Lokoja Abuja expressway this afternoon. 

Make una see the picture for here.

Una Welldone oh

Una Welldone oh.  Na me be Anty Juli una sister.  I don carry my market come oh.  Make una de waka come dis my yard for una everyday gist. I go give una news as e dey hot. If dem mess for Aso Rock,  una go hear for this our yard. 

Anty Juli yard na place wey una go get authentic news,  gist,  entertainment and many more. We no be like Ogogoro wey dem don use water mix.  Na we be the ogbonge, original,  correct place for every every.

Na we get Aso Rock. Na we get Lagos,  Abuja,  Port Harcourt and all the 36 states for our Obodo Nigeria.  If una get gist make una hala Anty Juli.

We no go disappoint. Una go dey entertained,  educated,  enlightened, empowered and many more. 

Make una join us!  Be part of us.